Ինչու քաղաքապետարանը չի հրապարակում բոլոր ընկերությունների անունները
Մանկապարտեզներին վերամշակված սննդամթերքի մատակարարման թեմային այսօր լրագրողների հետ հանդիպմանն անդրադարձավ «Իրազեկ եւ պաշտպանված սպառող» հասարակական կազմակերպության նախագահ Բաբկեն Պիպոյանը, ով առկա խնդիրների մասին դիմել է վարչապետ ՀովիկԱբրահամյանին, որպեսզի հանձնարարի Երեւանի քաղաքապետարանին եւ գյուղատնտեսության նախարարության սննդամթերքի անվտանգության պետական ծառայությանը հետեւյալ 3 հիմնական կետերը իրականացնել. «Առաջին եւ երկրորդ կետերը դրանք՝վերանայել կարգն ու ռազմավարությունը, մշակելու կառավարման որակի եւ անվտանգության կառավարման համակարգերը եւ 3-րդը՝ պարտադիր, հրապարակային կերպով տալ պարզաբանումներ հետեւյալ հարցերի շուրջ»: Բաբկեն Պիպոյանը զարմանում է, թե ինչու քաղաքապետարանը չի հրապարակում բոլոր ընկերությունների անունները, ովքեր ճանաչվել են մրցույթի հաղթող. «Այս երկրում այս խնդիրը դեռ լուծված չէ»: Հիշեցնենք, որ անհատ ձեռներեցի կողմից մանկապարտեզներին մատակարարվել է օգտագործման համար ոչ պիտանի հավի միս.«Բացի մանկապարտեզներից այլ վայրեր գուցե մատակարարվել է եւ մենք դրա մասին ոչ մի տեղեկություն դեռ չունենք»,-ասաց «Իրազեկ եւ պաշտպանված սպառող» հասարակական կազմակերպության նախագահ Բաբկեն Պիպոյանը: