A
A
Դրամանենգության և խուլիգանության դեպքերը բացահայտվել են
Ըստ ՀՀ ոստիկանության օպերատիվ հաղորդագրությունների ամփոփագրերի` հուլիսի 29-ից 30-ն ընկած ժամանակահատվածում հանրապետությունում արձանագրված մարմնական վնասվածք հասցնելու 8 դեպքից բացահայտվել է 2-ը, խարդախության 11 դեպքից՝ 10-ը, կողոպուտի 2 դեպքից՝ 1-ը, դրամանենգության՝ 3, խուլիգանության՝ 2 դեպքերը բացահայտվել են: Բացահայտվել է նաև գողության 3 դեպք։ Նախկինում կատարված հանցագործության դեպքերից բացահայտվել է մարմնական վնասվածք հասցնելու՝ 2 և գողության 1 դեպք։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 6 պատահար, ինչի հետևանքով 1 մարդ զոհվել է, 8-ը ստացել են տարբեր աստիճանի մարմնական վնասվածքներ:
