Ուղիղ. «Հայ-վրացական հարաբերությունները ներկա փուլում» (տեսանյութ)
Հուլիսի 29-ին՝ ժամը 12։00-ին Պատերազմի և խաղաղության լուսաբանման ինստիտուտի և «Մեդիա կենտրոնի» նախաձեռնությամբ տեղի կունենա քննարկում՝ «Հայ-վրացական հարաբերությունները ներկա փուլում, Թբիլիսիի Սուրբ Էջմիածին եկեղեցու մոտ վերջերս տեղի ունեցած միջադեպի հնարավոր ազդեցությունը ազգամիջյան հարաբերությունների վրա» թեմայով: «Մեդիա կենտրոնի» սրահում անցկացվող քննարկմանը մասնակցելու են՝ Երևանից՝ Սերգեյ Մինասյան՝ քաղաքագետ, Կովկասի ինստիտուտի փոխտնօրեն, Ջոնի Մելիքյան՝ փորձագետ, Քաղաքական և իրավական հետազոտությունների կենտրոնի ղեկավար: Թբիլիսիից տեսազանգի միջոցով ՝ Գեորգի Գվիմրաձե` Ռազմավարական հետազոտությունների կենտրոնի փորձագետ Արսեն Խառատյան՝ փորձագետ, «Քաղաքացիական պայմանագրի» խորհրդի անդամ: Միջոցառումն իրականացվում է Պատերազմի և խաղաղության լուսաբանման ինստիտուտի Հարավկովկասյան «Կամուրջների կառուցում/ներուժի հզորացում» ծրագրի շրջանակներում, որ գործում է Նորվեգիայի Արտաքին գործերի նախարարության աջակցությամբ:
