ՀՅՈՒՍԻՍԱՅԻՆ ՊՈՂՈՏԱՅԻ ԲՆԱԿԻՉՆԵՐՆ ԱՂՄԿՈՒՄ ԵՆ
Աջակցիր «Ա1+»-ին
«Անամոթներ», «Զախարյան հեռացիր», «Գողեր» վանկարկելով այսօր Երեւանի քաղաքապետարանի նոր շենքի դիմաց էին հավաքվել Հյուսիսային պողոտայի բնակիչները:
«Հիմա ամեն ինչ քաղաքապետից է կախված, ես դա հիմա հաստատ կարող եմ ասել»,- ասում է Հյուսիսային պողոտայի բնակչուհի Անժելա Բաղդասարյանը:
ԾԻԳ-ի փոխտնօրեն Պապիկյանը Հյուսիսային պողոտայի բնակիչներին հորդորում էր հեռանալ քաղաքապետարանի դիմացից եւ աղմուկ չբարձրացնել: Նրա խոսքերով, բնակիչները ստացել են կառավարության կողմից հաստատված գումարը եւ ոչինչ փոխել հնարավոր չէ:
Քաղաքապետարանի դիմաց երկու ժամ տեւած բողոքի ակցիայից հետո Հյուսիսային պողոտայի բնակիչները չկարողացան հանդիպել Երեւանի քաղաքապետ Երվանդ Զախարյանի հետ եւ հեռացան:
Բնակիչները հետագայում նույնպես շարունակելու են բողոքի ակցիան: