ՄԻՆԱՍՅԱՆԸ ՊԱՏՐԱՍՏ Է ՀԱՆԴԵՍ ԳԱԼ ՀԱՎԱՔԱԿԱՆՈՒՄ
Աջակցիր «Ա1+»-ինՀայաստանի շախմատի նորընծա չեմպիոն Արտաշես Մինասյանը հաղթական պարտիայից հետո մեզ հետ զրույցում նշեց, որ դեռ վերջնական որոշված չէ արդյոք ինքը կնդգրկիվի Հայաստանի հավաքականի կազմում, որը շուտով մասնակցելու է համաշխարհային օլիմպիադային:
Խոսելով ավարտված առաջնության մասին Մինասյանը ասաց. «Կային շախմատիստներ, որոնք գտնվում էին վատ մարզավիճակում, օրինակ Աշոտ Անաստասյանը եւ Գաբիրել Սարգսյանը: Բարեբախտաբար ես լավ վիճակում էի եւ կարողացա գրավել 1-ին տեղը»:
Չեմպիոնը նշեց նաեւ, որ 14 տուր խաղալը այնքան էլ հեշտ չէ եւ ինքը մրցաշարերի վերջնամասում այնքան էլ հաջող հանդես չի գալիս եւ դա ֆիզիկական վատ պատրաստվածության պատճառն է:
Իսկ ահա առաջիկա օլիմպիադայում Մինասյանի կարծիքով Հայաստանի հավաքականը պետք է պայքարի առաջատար եռյակում տեղ ունենալու համար: «Պատրաստ եմ հանդես գալ հավաքականում, սակայն պետք է որոշ ժամանակ հանգստանամ, քանի որ Հայաստանի առաջնությունը բավականին հոգնացուցիչ էր», - եզրափակեց Մինասյանը: