ԳԵՂԱՄՅԱՆԻՆ ՍՊԱՍԵՑՐԻՆ
Աջակցիր «Ա1+»-ին
ԵԽԽՎ ամառային նստաշրջանին մասնակցելու համար Երեւանից միասին Ստրասբուրգ ժամանեցին Հայաստանի պատվիրակության վեց անդամներից երեքը՝ Շավարշ Քոչարյանը, Արտաշես Գեղամյանը եւ Արմեն Ռուստամյանը:
Ֆրանկֆուրտի օդանավակայանում պատվիրակության անդամներն արդեն անցել էին մաքսակետը եւ սպասում էին Ստրասբուգ մեկնող ավտոբուսին, երբ հայտնաբերեցին, որ Արտաշես Գեղամյանը չկա:
Վերջինս «խցանման մեջ» էր հայտնվել: Մյուս ուղեւորների պես «Ազգային միաբանության» նախագահը սպասում էր իր հերթին, երբ մաքսավորը թակեց դուռը եւ մի ուղեւորի հետ գնաց՝ վերջինիս հետ կապված խնդիրը պարզելու համար: Երիտասարդը ռուս ֆուտբոլիստ էր, որ Ֆրանկֆուրտ էր ժամանել՝ չիմանալով՝ ում մոտ, գրպանում դրամ չունենալով:
Արտաշես Գեղամյանը պատգամավորական մանդատը չօգտագործեց առանց հերթի մյուս շարքով մաքսային ծառայողին մոտենալու համար: Չնայած այդ շարքում հիմնականում հայաստանցիներն էին:
Ի դեպ, սա այս ժամանակահատվածում երկրորդ օրինակ էր, որը ցույց տվեց, թե Գեղամյանը կարող է համբերատար, առանց բողոքելու սպասել:
Ռուս ֆուտբոլիստից առաջ առանց հերթի մաքսավորին, վերջինիս հրահանգով, մոտեցան մոտ տասը մարզիկներ:
Ստրասբուրգ
Կարինե Ասատրյան
«Ա1+»