Ի ՊԱՇՏՊԱՆՈՒԹՅՈՒՆ ԻՇԽԱՆՈՒԹՅՈՒՆՆԵՐԻ ՀԱՆՐԱՀԱՎԱՔ ՉԻ ԼԻՆԻ
Աջակցիր «Ա1+»-ին
«Չարտոնված հանրահավաք՝ ի պաշտպանություն իշխանություններին չի լինելու»,- այդ մասին հայտարարեց Հայաստանի Առաջադիմական Երիտասարդական կուսակցության նախագահի տեղակալ Սարգիս Հարությունյանը:
Ըստ նրա, Ռոբերտ Քոչարյանը լեգիտիմ ընտրված նախագահ է: ՀԱԵԿ-ի եւ «Ազատ Հայք Առաքելություն» հասարակական- քաղաքական կազմակերպության կարծիքով, երկրի ներքաղաքական իրավիճակը բավականին լարված է:
Ըստ նրանց՝ «Արդարություն» դաշինքը եւ «Ազգային միաբանություն» կուսակցությունը իրականացնում են բիզնես- ծրագիր, որը զուրկ է գաղափարախոսությունից:
Ի դեպ, ասուլիսի ընթացքում «Ազատ Հայք Առաքելություն» կուսակցության նախագահը հայտարարեց, որ դատի են տվել «Արմենիա Տելեֆոն Կոմպանի»-ին:
2003թ. հոկտեմբերի 31-ից մինչեւ նոյեմբերի 6-ը իրենց գրասենյակի հեռախոսակապը չի գործել, ինչի պատճառով խափանվել է «Ազատ Հայք Առաքելության» ընդհանուր ժողովը: Այսօր նրանք ԱրմենՏելից պահանջում են իրենց արժանապատվությանը, բարի համբավին, պատվին պատճառված վնասի հատուցում:
Նկատենք, որ կուսակցության նախագահը չգիտեր՝ իրենց կուսակցությունը գրանցվա՞ծ է, թե ոչ: Կուսակցության գրանցված լինելու մասին նրանց հայտնեցին լրագրողները: