ԷԼ ՉԳԱՍ ԱԺ ՈՒ ԻՆՁ ԱՍԵՍ ՊՈՊՈՒԼԻՍՏ
Աջակցիր «Ա1+»-ինԱԺ վերահսկիչ պալատի 2003 թվականի գործունեության տարեկան հաշվետվության մեջ նշված է, որ բավական մեծ խախտումներ են եղել Համաշխարհային բանկի տրամադրած վարկով ՀՀ դատաիրավական համակարգի բարելավման ծրագրում։
Մասնավորապես՝ 4 միլիոն դոլարից ավելի գումար է հատկացվել 20 դատարանի վերանորոգման համար, մինչդեռ այդ գումարով վերանորոգվել է միայն 9 դատարան: Սա հարուցեց ՀՀ արդարադատության նախարար Դավիթ Հարությունյանի դժգոհությունը:
Նա նշեց, որ «հաշվետվությունը չի ծառայել իր նպատակին, քանի որ ամբողջությամբ ներկայացված չեն այդ ծրագրի կատարման ընթացքի մանրամասները»։ Ըստ նրա, ճիշտ է փաստը, որ 20 դատարան պիտի նորոգվեր, բայց սա չի հաջողվել շինանյութի թանկացման պատճառով:
Արդարադատության նախարարը «պոպուլիստական» որակեց հաշվետվությունը, ինչի արդյունքում արժանացավ ԱԺ նախագահ Արթուր Բաղդասարյանի կոշտ պատասխանին։
«Մենք չպետք է ընկնենք դասական անպատժելիության շրջապտույտի մեջ: Եղել են չարաշահումներ, եւ պետք է պատժվեն նրանք, ովքեր կեղծել են փաստաթղթերը, ապօրինի սեփականաշնորհում իրականացրել»,- նշել է պրն Բաղդասարյանը։
