ՀՐԱՆՏ ՄԱԹԵՎՈՍՅԱՆՆ ԱՊՐՈՒՄ Է
Աջակցիր «Ա1+»-ին«Գիրքը կարող է դառնալ կյանքի դասագիրք: Այստեղ մենք հանդիպում ենք ինքն իր հետ զրուցող, խորհող անհատի»,- այսօր Հրանտ Մաթեւոսյանի «Սպիտակ թղթի առջեւ» գրքի շնորհանդեսի ժամանակ ասաց Սահմանադրական դատարանի նախագահ Գագիկ Հարությունյանը:
Այս ժողովածուն գրողի հետմահու առաջին գիրքն է եւ առաջին խոսքը գեղարվեստական խոսքի սահմաններից դուրս ներկայացնելու Հրանտ Մաթեւոսյան տեսանողին, մտածողին ու գեղագետին:
Շնորհանդեսին ներկա էին վարչապետ Անդրանիկ Մարգարյանը, Մշակույթի եւ երիտասարդության հարցերի նախարար Թամար Պողոսյանը, փոխնախարար Կարինե Խոդիկյանը եւ այլոք:
Վարչապետ Անդրանիկ Մարգարյանի խոսքերով, հաջորդ տարի կկարողանանք այցելել Հրանտ Մաթեւոսյանի տուն թանգարան:
Վերջում հանդիսականներին «Աշնան արեւ» վիպակից հատվածներ ընթերցեց դերասանուհի Վիոլետա Գեւորգյանը: