ՀԱՅԱՍՏԱՆԸ ՉԻ ՄԱՍՆԱԿՑՈՒՄ
Աջակցիր «Ա1+»-ինԱյսօր Շվեյցարիայի ամառանոցային Դավոս քաղաքում իր աշխատանքը սկսեց ամենամյա 34-րդ Համաշխարհային տնտեսական ֆորումը:
Դրան մասնակցում են 94 երկրների 2100 պատվիրակներ, այդ թվում 30 երկրների ղեկավարներ, կառավարության 75 անդամներ:
Ավանդույթի համաձայն, համաժողովի ընթացքում կքննարկվեն աշխարհում կայունություն հաստատելու, տնտեսական զարգացման հեռանկարների, «տաք կետերի» իրավիճակի վերաբերյալ հարցեր:
Այս տարի քննարկման առարկա կդառնա Մերձավոր արեւելքը, համընդանուր անվտանգությունը, եվրոյի փոխարժեքի դինամիկան, երկրագնդի համընդհանուր տաքացումը, համաշխարհային տնտեսության վիճակը:
Դավոսի ամենամյա համաժողովին այս անգամ Հայաստանը չի մասնակցում:
«Կարեւորելով համաժողովի նշանակությունը, այնուհանդերձ տարբեր պատճառներով այս անգամ Դավոս Հայաստանի պետական մարմինների ներկայացուցիչներից ոչ մեկ չի մեկնել», - տեղեկացրեց ՀՀ ԱԳՆ մամուլի խոսնակ Համլետ Գասպարյանը:
Ի դեպ, Դավոսի համաժողովին չեն մասնակցում նաեւ Ադրբեջանի ներկայացուցիչները։ Իսկ Վրաստանը մասնակցում է նորընտիր նախագահի գլխավորությամբ։