ՀԱՅ ԵՐԵԽԱՆԵՐԻ ԻՐԱՎՈՒՆՔՆԵՐԸ ՊԵՏՔ Է ՊԱՇՏՊԱՆՎԵՆ ՊԱՏՇԱճ
Աջակցիր «Ա1+»-ին
ՄԱԿ-ի Ժնեւի գրասենյակում, Հայաստանի Հանրապետության պատվիրակությունը ՄԱԿ-ի Երեխայի իրավունքների կոմիտեին ներկայացրեց Երեխայի իրավունքների մասին կոնվենցիայի համաձայն պատրաստված ազգային զեկույցը:
Հայաստանի միջգերատեսչական պատվիրակությունը գլխավորում էր աշխատանքի եւ սոցիալական ապահովության նախարար Աղվան Վարդանյանը:
ՄԱԿ-ի երեխայի իրավունքների կոմիտեն, որը կազմված է 18 անկախ փորձագետից, քննության է առնում կոնվենցիայի վերաբերյալ երկրի կողմից ստանձնած պարտավորությունների իրականացման գործընթացը:
Հայաստանի Հանրապետության զեկույցը ընգրկում էր վերջին հինգ տարիների ընթացքում երկրում երեխաների իրավունքների պաշտպանության ուղղությամբ կատարված քայլերի նկարագիրը:
Կոմիտեի եզրակացությունները կհրապարակվեն հաջորդ երկու շաբաթվա ընթացքում: Միեւնույն ժամանակ ընդգծվեց երկրում երեխաների հարցերով զբաղվող մարմնի ստեղծման անհրաժեշտությունը:
