ԿԵՐՊԱՐՎԵՍՏԸ ՄՆԱՑ ԱՌԱՆՑ ՄՐՑԱՆԱԿԻ
Աջակցիր «Ա1+»-ին
Ռոբերտ Քոչարյանն այսօր պետական մրցանակներ է հանձնել գրականության, երաժշտության, թատրոնի եւ կինոարվեստի, ինչպես նաեւ ճարտարապետության եւ քաղաքաշինության ոլորտների ներկայացուցիչներին:
Մրցանակից զերծ է մնացել կերպարվեստի ոլորտը: Ներկայացված 11 գործերից որեւէ մեկը մրցանակի չարժանացնելու փաստը ոլորտի հանձնաժողովի նախագահ Սարո Սարուխանյանը պատճառաբանեց այսպես. «Ոչ թե արժանի գործ չկար... Դժվար բան է վերջին հաշվով»: Հիշեցնենք, որ երկու տարի առաջ մրցանակից զերծ մնաց գրականության ասպարեզը:
Մրցանակները հանձնելուց առաջ Քոչարյանը նկատել է, որ արվեստն իր սուբյեկտիվ կողմերն ունի եւ չի կարող լինել մի որոշում, որ բոլորին «ունթունելի» լինի:
Կինոարվեստի բնագավառի մրցանակակիր, Հեռուստատեսության եւ ռադիոյի ազգային հանձնաժողովի նախկին անդամ Հարություն Խաչատրյանին երջանկացրել էր մրցանակը: «Գիտեք, միջազգային բավականին մրցանակներ ունեի, բայց սա ամենապատվավոր մրցանակն է, քանի որ իմ երկրի ամենակաեւոր մցանակն է»: Գրականության բնագավառի մրցանակակիր Արտեմ Հարույունյանն ուրախ էր, որ «վերջապես գրականությունն էլ մրցանակ ստացավ»: «Եվ ուրախ եմ, որ ստացավ իմ գիրքը», -ավելացրեց «Հուդայի արձակուրդը» գրքի հեղինակը:
Մրցանակակիրներից մյուսը`
Երեւանի գլխավոր ճարտարապետ Նարեկ Սարգսյանն էր, որին
մրցանակը շնորհվեց «Հայաստանի Հանրապետության տարաբնակեցման
գլխավոր նախագիծ» աշխատանքի համար:
Իր եւ եւս 6
ճարտարապետի հիշյալ աշխատանքի կարեւորությունը պարոն
Սարգսյանը պարզաբանեց այսպես. «Սրա հիման վրա մարզերը
կունենան իրենց հատակագծերը, քաղաքները կբխեցնեն իրենց
բնակեցումը»:
Հիշեցնենք, որ մրցանակակիրներից յուրաքանչյուրը Ռոբերտ Քոչարյանից ստացավ 2 միլիոն 500 հազար դրամ: