Հաղթանակներ Արգենտինայում
Աջակցիր «Ա1+»-ինՄինչեւ 20 տարեկան մեր շախմատիստները հաղթանակներով սկսեցին աշխարհի առաջնությունը:
Արգենտինական Պուերտո Մադրին քաղաքում մեկնարկեց մինչև 20 տարեկան շախմատիստների աշխարհի հերթական` թվով 48-րդ առաջնությունը, որին Հայաստանից մասնակցում են գրոսմայստեր Ավետիք Գրիգորյանը և ՖԻԴԵ-ի վարպետ Աննա Հայրապետյանը:
Առաջին տուրում Ավետիք Գրիգորյանը սպիտակ խաղաքարերով հաղթեց արգենտինացի Էրնան Սատելիին, իսկ Աննա Հայրապետյանը, նույնպես սպիտակներով, պարտության մատնեց արգենտինուհի Նանսի Ֆլորեսին:
Այսօր տեղի կունենան 2-րդ եւ 3-րդ տուրերի պարտիաները: Ավետիք Գրիգորյանը սեւ խաղաքարերով կմրցի ադրբեջանցի Ուլվի Բայարանիի հետ, իսկ Աննա Հայրապետյանը` չինուհի Ժան Քսիաովենի հետ:
Նշենք, որ մրցաշարն անցկացվում է շվեյցարական մրցակարգով, 13 տուրով: Տղաների առաջնությանը մասնակցում են 87 շախմատիստներ, աղջիկների` 53 շախմատիստուհիներ: