Քչերն են ցանկացել հայերենով սովորել
Աջակցիր «Ա1+»-ին«Քանի որ Սփյուռքում ապրողների միայն 5 %-ը հնարավորություն ունի մասնավոր հայկական դպրոցներ գնալու, եւ 95 %-ը նախընտրում է պետական դպրոցը, այդ իսկ պատճառով որոշեցինք ստեղծել առաջին օն-լայն հայկական դպրոցը»,- այսօր այդ մասին լրագրողներին տեղեկացրեց Հայկական Բարեգործական Ընդհանուր միության Հայկական վիրտուալ համալսարանի հիմնադիր եւ նախագահ դոկտ. Երվանդ Զորյանը:
ՀՀ վիրտուալ առաջին դասարանները բացվել են հունիսի 14-ին եւ աշխատանքները կամփոփվեն օգոստոսի 7-ին:
Աշխարհի 22 երկրներից շուրջ 150 ուսանող է մասնակցում այս դասընթացներին:
Դասավանդումը 6 լեզվով է' արեւմտահայերեն, արեւելահայերեն, անգլերեն, ռուսերեն, ֆրանսերեն, իսպաներեն:
Առաջին դասընթացն անվճար է , եւ ուսանողները սովորում են հայոց լեզու, պատմություն եւ մշակույթ:
« Բացի գիտելիքներ ստանալուց, այս դասընթացը նաեւ հաղորդակցություն է սովորեցնում: Այն ոչ միայն ինֆորմացիայի, այլեւ հաղորդակցության դպրոց է»,- ասում է Երվանդ Զորյանը: Մասնակիցներից ամենափոքրը 17 տարեկան է, իսկ ամենամեծը' 82 տարեկան:
Ուսուցիչներն էլ նշում են, որ այդ ուսանողներից շատ քչերն են ցանկություն հայտնել սովորել հայերենով, ավելի շատ հայերեն բառերը գրում եւ սովորում են ֆրանսերենով կամ անգլերենով:
Աշնանային շրջանի դասընթացները կմեկնարկեն սեպտեմբերի 22-ից: Այստեղ կառաջարկվի նաեւ դասընթաց հայկական ճարտարապետության մասին: Սակայն այս դեպքում արդեն ուսանողները ստիպված կլինեն վճարել:
ՀՀ Սփյուռքի փոխնախարար Ստեփան Պետրոսյանը էլ նշեց, որ սա ազգանվեր գործ է, որը նվիրված է սփյուռքում հայապահպանությանը: «Սա ոչ թե ուսումնական, այլ հայապահպանության գործընթաց է»,- ավելացրեց Սփյուռքի փոխնախարարը:
Ի դեպ, ասուլիսին պետք է ներկա լիներ ԿԳ նախարար Արմեն Աշոտյանը, սակայն 30 րոպե սպասելուց հետո ասուլիսն անցկացվեց առանց նրա:
