ՄԵՐ ԴԱՏԱՐԱՆՆԵՐԸ ԱՆԿԱԽ ԵՆ
Աջակցիր «Ա1+»-ին-Ինչպե՞ս եք վերաբերում Հայաստանում քաղաքական բանտարյալների գոյության փաստին:
-Նախ, դա պետք է հաստատվի. քաղբանտարկյալների առկայությունը քաղաքական նպատակներով չի, որ հաստատվում է, այդ ելակետով չի, որ պետք է հստակեցումը մտցվի: Կա շատ հստակ ձ§աչափ, հստակ սկզբունքներ են մշակված ԵԽ կողմից: Եթե հիշում եք՝ քննարկվել է Ադրբեջանի քաղբանտարյալների հարցը, հիմա պատրաստվում է զեկույց ընդհանուր առմամբ Եվրոպայում, ԵԽ անդամ երկրներում քաղբանտարկյալների առկայության մասին: Եվ կարծում եմ, որ այդ բոլոր հարցերի պատասխանը կտան զեկուցողները:
-Իսկ Ձեր կարծիքով, Հայաստանը կլինի՞ քաղբանտարկյալներ ունեցող երկրների թվում:
-Կստուգեն, իրենց չափանիշներին համապատասխան կկատարեն մոնիտորինգ § դրա հիման վրա կգրեն եզրակացություն: Քանի դեռ այդ եզրակացությունը չի եղել, վաղ է այդպիսի եզրակացություններ անելը:
-Ձեր կարծիքով, գեներալ-լեյտենանտ Վաղարշակ Հարությունյանը հանցագո՞րծ է, թե՞ քաղաքական բանտարկյալ:
-Ես չգիտեմ, պետք է նայել այն գործը, որ հարուցված է, § որի շրջանակներում նա կալանավորվել է: Քրեական գործը հարուցվել է օրենքի շրջանակներում, պահպանելով օրենքի նորմերը: Եթե մեղադրանքը իսկապես հիմնավոր է եւ բոլոր չափանիշները կան, ուրեմն խոսել քաղաքական բանտարկյալի մասին անտեղի է: Իսկ դա դատարանն է որոշում:
- Վաղարշակ Հարությունյանին ձերբակալելու եւ բերման ենթարկելու մասին որոշման մեջ գրված է, որ նա բերման է ենթարկվել հանցագործության պահին դեպքի վայրից: Նա ձերբակալվել է բազմաթիվ վկաների ներկայությամբ քաղաքական կուսակցության գրասենյակում: Երբվանի՞ց է ՀՀ-ում քաղաքական կուսակցության գրասենյակը համարվում դեպքի վայր:
- Ես չեմ կարող ելնել այն հայտարարությունից, որը արվում է ոչ դատական ատյանի կողմից եւ ոչ դատական պրոցեսի մասնակցի կողմից: Այն ապացուցները, որ չեն անցել համապատասխան դատական պրոցես, գնահատումներ տալ, դա ուղղակի անտրամաբանական է § սխալ:
- Ձեր կարծիքով, քաղաքական կուսակցությունների դաշինքի դեմ հարուցել քրեական գործ ժողովրդավարական երկրին հարի՞ր է:
- Այդ ամենը իրավական դաշտում գտնվող հարց է, § դրա պատասխանը պետք է տան իրավաբանները: Մեզանում դատարանները անկախ են:
