Շաբաթօրյակին կարմիր գծերը մաքրեցին (տեսանյութ)
Շաբաթօրյակին յուրաքանչյուրն իր տարածքի տերն է: Վերնիսաժից Հանրապետության հրապարակ տանող տարածքը ՝ Գարեգին Նժդեհի արձանի մոտակայքը, բաժին է ընկել քաղաքաշինության կոմիտեի աշխատակիցներին, ովքեր վաղ առավոտվանից աշխատում էին։ Քաղաքաշինության կոմիտեի տնօրեն Արամ Մկրտչյանի խոսքով շաբաթօրյակը անհրաժեշտ է թե՛ մաքրության, թե՛ մարդկանց համախմբման տեսանկյունից. «Եթե սիրում ես քո քաղաքը սիրում ես բոլոր անկյունները, խուլ անկյուններից սկսած մինչև հանրապետության հրապարակ: Պետք չէ ուշադրություն դարձնել միայն գեղեցիկ վայրերին» նշում է Արամ Մկրտչյանը: Հարեւանությամբ Ալ.Թամանյանի թանգարանի աշխատակիցները մոտ երկու ժամ է ինչ մաքրում են թանգարանի տարածքը աղբից: Մինչ նրանք մաքրություն էին անում, Նալբանդյան փողոցում մի քանի հոգի ճանապարհի կարմիր գծերն էին մաքրում: Նրանք կարմիր գծերի դեմ ակցիա էին կազմակերպել, պահանջելով կառավարությունից հանել կարմիր գծերի համար տրվող տույժ ու տուգանքը: Իսկ ընդհանրապես՝ մաքրողները շատ ուրախ էին՝ անկախ աղբ էին մաքրում,թե կարմիր գիծ։ Մանրամասները՝ տեսանյութերում
