A
A
Հայաստանի հրաձիգները չկարողացան մտնել Եվրոպայի եզրափակիչ
Խորվաթիայի Օսյեկ քաղաքում ընթացող հրաձգության Եվրոպայի մեծահասակների առաջնությունում Հայաստանի ներկայացուցիչները մասնակցեցին 10մ հրացան ձեւի թիմային միքս վարժության որակավորման փուլին: Ալլա Պողոսյան-Հրաչիկ Բաբայան զույգը վաստակեց 826 միավոր եւ 42 մասնակիցների մեջ գրավեց 35-րդ տեղը: Իրինա Լաուեր-Քրիստիան Լաուեր հայկական մյուս երկյակը 822,6 միավոր արդյունքով առաջնությունն ավարտեց 40-րդ տեղում: 10մ ատրճանակ ձեւի թիմային միքս վարժության որակավորման փուլում հանդես եկած Էլմիրա Կարապետյան-Նորայր Առաքելյան զույգը 42 մասնակիցներ մեջ գրավեց 18-րդ տեղը՝ վաստակելով 760 միավոր: