«Եթե ցանկանում ենք աղքատությունը կրճատել, պետք է հոգ տանենք սոցաշխատողի մասին». Միրա Անտոնյան
Հայաստանում սոցիալական աշխատանքի ոլորտը դեռևս զարգացման փուլում է: Ներկայումս պետական մարմիններում կան սոցաշխատողի ազատ հաստիքներ, որոնց համար պահանջվում են որակյալ մասնագետներ: Հաստիքների ապահովման համար, ըստ Աշխատանքի և սոցիալական նախարարության, Սոցիալական աջակցության վարչության պետ Աստղիկ Մինասյանի, նախ և առաջ պետք է հասարակության մեջ սոցաշխատողի մասնագիտության հանդեպ ճիշտ ընկալում ձևավորվել, որի համար ահրաժեշտ է օրենսդրական աջակցություն: «Սոցաշխատանքի մասին օրենքի ընդունումով, կարծում եմ, կհասնենք, նրան, որ սոցաշխատողի ոլորտը կընլակլվի հավուր պատշաճի»,- հավատացրեց Աստղիկ Մինասյանն, ավելացնելով, որ այսօր սոցիալական աշխատողի հանդեպ սխալ ըմբռնում կա հասարակության մեջ: ԵՊՀ սոցիալական աշխատանքի և սոցիալական տեխնոլոգիաների ամբիոնի վարիչ Արտակ Խաչատրյանն առաջարկեց խնդրի հիմնավորման իր տարբերակն՝ ասելով, որ սոցաշխատողի սխալ ընկալումը հասարակության մեջ կապված է սոցիալական ծառայությունների ոչ բավարար զարգացման հետ: «Այսօր սոցաշխատողի առջև ծառացած են մի շարք մարտահրավերներ: Եվ եթե մենք ճանաչում ենք այս մասնագիտությունը, որպես պահանջարկ ունեցող աշխատանք, ուրեմն պետք է նաև լուծենք այն խնդիրները, որոնք ռիսկերի առջև են կանգնեցնում սոցաշխատողին, մասնավորապես աշխատանքի արդյունքում ունեցած քրեական հետապնդումը, չգտանահատված աշխատանքը և այլն»,- ասաց նա։: Հայաստանի սոցիալական աշխատողների ասոցիացիայի նախագահ Միրա Անտոնյանի խոսքով, այս մասնագիտության հիմնական սպառողը հասարակական կազմակերպություններն են: Պետական սեկտորում պահանջված են,սակայն աշխատանքի ֆինանսավորումը քաջալերող չէ: Նրա խոսքով Հայաստանում չկա տնտեսության որևէ ճյուղ, որտեղ սոցիալական աշխատողի կարիք չլինի:Սակայն, միևնույն ժամանակ սոցաշխատողի համար չկան աշխատանքի արժանավայել պայմաններ. «Մարդիկ պետք է ստանան որակյալ սոցիալական ծառայություն, ինչի համար հարկավոր է որակյալ սոցիալական մասնագետ», -նշեց Միրա Անտոնյանը՝ հավելելով ՝ կրթությունը անհրաժշտ է, բայց բավարար չէ: Նրա համոզմամբ՝ նորավարտ մասնագետը, ժամանակի կարիք ունի նախքան հմտանալը: Սակայն սա չի նշանակում ստորադասել նրանց, այլ նշանակում է մեխանիզմ ունենալ, նրանց հմտացնելու գործում: «Եթե կարևորում ենք մեր երկրում աղքատության կրճատումը, ուրեմն պետք է լավ պայմաններ ստեղծենք սոցիալական աշխատողի համար»,- հայտնեց նա: Այսօր սոցիալական աշխատողի համաշխարհային օրն է:
