Կառլո Անչելոտին պարզաբանել է «Ռեալից» հեռանալու պատճառը

«Նապոլիի» գլխավոր մարզիչ Կառլո Անչելոտին խոստովանել է, որ «Ռեալից» հեռանալու պատճառն ակումբի նախագահ Ֆլորենտինո Պերեսի հետ եղած տարաձայնությունն էր՝ կապված թիմի հարձակվող Գարեթ Բեյլի հետ:

«Ալտրուիզմը թիմում անհրաժեշտ է, քանի որ ֆուտբոլում եթե ինչ-որ բան խենթացնում է, ապա դա խաղացողների ցուցադրած եսասիրությունն է հանդիպման ընթացքում: Կան ֆուտբոլիստներ, որոնք անհրաժեշտության դեպքում գնդակը չեն փոխանցում խաղընկերներին: Դրանցից մեկը Գարեթ Բեյլն է: Ես դրա համար «Ռեալում» վճարեցի իմ կարիերայով:Ֆլորենտինո Պերեսի հետ զրույցի պատճառն այն էր, որ ես Բեյլին փոխարինել էի  «Վալենսիայի» հետ խաղում: Մի դրվագում նա պարտավոր էր փոխանցում կատարել Բենզեմային, որն ավելի նպաստավոր դիրքում էր գտնվում, բայց դրա փոխարեն ինքն հարվածեց: Ես փոխարինեցի Բեյլին, եւ սկսեց մեր հակամարտությունը: Հարձակվողը պետք է մի փոքր էգոիստ լինի, բայց դա ոչ մի դեպքում չպետք է անցնի չափի սահմանը», – մեջբերում է Անչելոտիի խոսքերը Football Italia-ն:

Նշենք, որ իտալացի մասնագետը Մադրիդի «Ռեալում» աշխատել է 2013-15թթ: