Ոստիկանապետի խիստ հրահանգները (տեսանյութ)
Ոստիկանության պետ Վալերիյ Օսիպյանն անակնկալ այցելել է ոստիկանության Երևան քաղաքի վարչության Մալաթիայի բաժին։ Նա ծանոթացել բաժնի շենքային պայմաններին, մտել բոլոր ստորաբաժանումներ՝ հերթապահ մասից քրեական հետախուզություն։ Ըստ մամլո հաղորդագրության երեկվա այցի ընթացքում Վալերիյ Օսիպյանը նկատել է նաև որոշ թերություններ, որոնց արագ և արդյունավետ շտկման համար խիստ հանձնարարականներ է տվել ոչ միայն ծառայողներին, այլև ստորաբաժանման պետին։ Նույն օրը տեղի ունեցած հաջորդ անակնկալ այցը ոստիկանության Երևան քաղաքի վարչության Մաշտոցի բաժին էր։ Ոստիկանության պետը խիստ հրահանգել է առաջնային ուշադրության արժանացնել համազգեստի կրման կանոնները՝ միշտ լինելով կոկիկ և ազդեցիկ։ Վալերիյ Օսիպյանը նկատել է նաև թերություններ, որոնց լուծման համար կոնկրետ ցուցումներ տվեց ստորաբաժանման ղեկավարին՝ պահանջելով հետևողական լինել անձնակազմի նկատմամբ։
