Հովհաննես Գալստյանը դադարեցնո՞ւմ է հացադուլը (տեսանյութ)
Մոտ 20 օր հացադուլի մեջ գտնվող կինոռեժիսոր Հովհաննես Գալստյանը երեկոյան՝ ժամը 19-ին Ֆեյսբուքյան իր էջում հայտարարություն կանի։ Չի բացառվում, որ «Պարալլելս Ֆիլմպրոդաքշն» ընկերության տնօրենն հայտարարի՝ դադարեցնում է հացադուլը։ Քիչ առաջ նա այս մասին ասել է «Ա1+»-ի լրագրողին՝ մանրամասներ չներկայացնելով։ «Ուժասպառ եմ»,- բացատրել է ռեժիսորը, որը հայտարարել էր հացադուլ «Տատիկիս վարսերը» ֆիլմի ֆինանսավորման հայտը մերժելու պատճառով։ Հիշեցնենք, որ ավելի վաղ Հովհաննես Գալստյանը հայտնել էր, որ հացադուլը դադարեցնելու երկու ճանապարհ կա.« Ա. Իշխանությունն ընդունում է իմ ֆիլմի ֆինանսավորումը դադարեցնելու անօրինականության փաստը և վերաստանձնում է ֆիլմի հանդեպ պետական կառույցի պարտավորության կատարումը։ Կամ՝ Բ. Հասարակական աջակցության միջոցով հավաքագրվում ֆիլմի մարտ-ապրիլ ամիսներին նախատեսված աշխատանքների անհրաժեշտ գումարը»։ Նրան աջակցող եւ հացադուլին միացած ազատամարտիկ Մհեր Մազմանյանն Մատենադարանի հարակից տարածքում չէր, որտեղ իրականացվում էր ակցիան։ Տարածքում վրանները հավաքված էին։