A
A
Գրոսմայստեր Կարեն Հ. Գրիգորյանը 3-րդն է Կասպիայի գավաթում
Իրանի Էնզելի քաղաքում անցկացված Կասպիայի գավաթի 17-րդ շախմատային փառատոնի Մասթերս մրցաշարում Հայաստանի պատվիրակներից հաջող հանդես եկավ գրոսմայստեր Կարեն Հ. Գրիգորյանը: Վերջին՝ 9-րդ տուրում, մեր շախմատիստը սեւերով պարտության մատնեց հայրենակցին՝ գրոսմայստեր Արման Միքայելյանին, վաստակեց 7 միավոր եւ ուկրաինացի Վիտալի Բերնադսկու եւ իրանցի Մասուդ Մոսադեղպուրի հետ բաժանեց 1-3-րդ տեղերը: Լրացուցիչ ցուցանիշներով Կարեն Հ. Գրիգորյանը ճանաչվեց 3-րդը: Մեր մյուս շախմատիստներն այսպիսի արդյունքներ գրանցեցին.
- Արման Միքայելյան՝ 6 միավոր
- Հայկ Երիցյան՝ 6
- Գրիգոր Դիկանյան՝ 5,5
- Վահե Դանիելյան՝ 5
- Գրիգոր Դիլանյան՝ 4,5
- Աննա Խաչատրյան՝ 3,5
