Տնտեսական հեղափոխությունը տեսանելի չէ. քաղաքագետ (տեսանյութ)
Կովկասի ինստիտուտի գիտաշխատող, քաղաքագետ Հրանտ Մելիքյանի կարծիքով դեկտեմբերին գրանցված 6,4 տոկոս տնտեսական աճը լավ է։
Մետաղական արդյունաբերության մեջ, գյուղատնտեսության մեջ անկում է տեղի ունեցել։
Իսկ գյուղատնտեսության նախարարության վերացումն արդեն իսկ նախանշում է, որ գյուղոլորտում հետագա զարգացումները հարցականի տակ են։
Միքայելյանի համար տարակուսելի է այն հանգամանքը, որ կառավարության ծրագրում տեղ գտած մոտ 450 կետերում ժամկետները բացակայում են, այսինքն՝ չկան այն ամսաթվերը, թե մինչև երբ է ինչ-որ բան իրագործված լինելու։
Ներառական տնտեսական աճի բնագավառում Միքայելյանը 3 խնդիր է տեսնում։ Հարկային տոկոսադրույքի համահարթեցման պարագայում անհավասարությունը կաճի, քանի որ աղքատ և հարուստ նույն չափով հարկերը կվճարեն։
Հարկային նոր օրենսգրքի ընդունման հետևանքը կլինի սոցիալական անհավասարության խորացումը։
«Մենք չենք տեսնում այն տնտեսական հեղափոխությունը, որ հռչակվել է», - շեշտեց քաղաքագետը։Համեմատելով Կարեն Կարապետյանի ծրագրի հետ, Հրանտ Միքայելյանը նշում է, որ նախորդ կառավարության ծրագրում կար 1100 կետ և այդ ծրագրում շատ դեպքերում աշխատանքների կատարման ժամկետները նշված են եղել։
Անդրադառնալով Արցախյան հիմնախնդրին, քաղաքագետը ֆիքսում է, որ Ադրբեջանը Հայաստանի հետ համեմատած տնտեսական վարկանիշը բարձրացրել է և դա վտանգավոր է տարածաշրջանում բալանսի պահպանման տեսանկյունից։
Փաշինյանի կառավարությունն այս համատեքստում, ըստ քաղաքագետի, անելիք ունի։
Իսկ եթե կառավարությունը 5 տոկոսի տնտեսական աճն ապահովի, ապա դա լավ արդյունք կլինի։
«Եթե հաջորդ տարի, հաջորդ տարիներին գյուղատնտեսությիւնում աշխատանքներ տարվեն, ապա 5 տոկոս տնտեսական աճը հնարավոր կլինի ապահովել», - եզրափակեց նա։
Խոսելով կոռուպցիայի մասին՝ Հրանտ Միքայելյանը անհնար է համարում 30 միլիարդ դրամի վերադարձը, մանավանդ օֆշորային գոտուց։
