Նոր ներդրումային ծրագիր
Արևելյան գործընկերության (ԱլԳ) երկրներում տնտեսական աճի և միակցվածության խթանմանը հետամուտ՝ Եվրոպական հանձնաժողովի և Համաշխարհային բանկի համահեղինակությամբ ներկայացվել է Տրանս եվրոպական տրանսպորտային միջանցքների (TEN-T) նոր ինդիկատիվ գործողությունների ծրագիր(ԳԾ), որով սահմանվում են առաջնահերթ նախագծեր՝ Հայաստանում, Ադրբեջանում, Բելառուսում, Վրաստանում, Մոլդովայի հանրապետությունում և Ուկրաինայում: Նախագծերի իրականացման նպատակով կպահանջվի ընդհանուր առմամբ շուրջ 13 մլրդ եվրո արժողությամբ ներդրումներ՝ նախատեսված ընդհանուր 4800 կմ ավտոմայրուղի և երկաթգիծ, 6 նավահանգիստ և 11 լոգիստիկ կենտրոնների համար: «TEN-T ցանցի ներդրումային գործողությունների ծրագրի վերջնականացումը համատեղ հանձնառություն է, որը շոշափելի արդյունքներ կապահովի քաղաքացիների համար՝ ողջ տարածաշրջանում: Այն կնպաստի TEN-T ցանցի ավարտման նպատակով տրանսպորտային ենթակառուցվածքների ռազմավարական ներդրումների առաջնահերթությունների վերաբերյալ որոշումների կայացմանը, որը Բրյուսելում կայացած Արևելյան գործընկերության վերջին գագաթնաժողովի Համատեղ հայտարարության համաձայն սահմանվել է 2020 թվականների 20 թիրախային արդյունքներից մեկը», նշեց Եվրոպական հարևանության քաղաքականության և ընդլայնման շուրջ բանակցությունների համար պատասխանատու հանձնակատար Յոհաննես Հաանը: «Տրանսպորտային կապի ընդարձակումը ինչպես Արևելյան գործընկերության տարածաշրջանում, այնպես էլ ԱլԳ տարածաշրջանի և Եվրոպական միության միջև ունի տնտեսական աճը խթանելու և աշխատատեղեր ստեղծելու ներուժ: Ծրագրի միջոցով կընդգծվի ճանապարհային անվտանգության նշանակությունը, ինչպես նաև՝ թվային լուծումների կարևորությունը նոր նախագծերում: Այն կնպաստի նաև նախագծային չափորոշիչների համապատասխանեցմանը Եվրամիության ներկա գործելակերպին», նշեց Եվրոպական միության տրանսպորտի հարցերով հանձնակատար Վիոլետա Բուլչը: Ներդրումային ծրագրում ընդգրկված նախագծերը սահմանվել են Արևելյան գործընկերության երկրների հետ համատեղ՝ միջազգային ֆինանսական ինստիտուտների աջակցությամբ: Նախագծերի միջոցով հնարավոր կլինի իրականացնել նոր և գոյություն ունեցող ճանապարհների, երկաթուղային գծերի, նավահանգիստների, օդանավակայանների, ինչպես նաև լոգիստիկ կենտրոնների և սահմանային անցակետերի համար անհրաժեշտ շինարարություն և վերականգնում: Առաջնային ներդրումները ներառում են ինչպես կարճաժամկետ ծրագրեր, որոնք կավարտվեն մինչեւ 2020 թվականը, այնպես էլ երկարաժամկետ ծրագրեր, որոնք ուղղված են TEN-T ցանցի տրանսպորտային կապի բարելավմանը՝ մինչ 2030 թվականը: Ենթակառուցվածքային ներդրումներին զուգահեռ՝ ներկայացված ներդրումային ծրագիրը նպատակ ունի խթանել տրանսպորտի ոլորտի համար առանցքային բարեփոխումներ և բարելավել տարածաշրջանի ճանապարհային անվտանգությունը:Նախատեսվում է, որ TEN-T ծրագրի զարգացումը խթան կհանդիասանա տարածաշրջանային զարգացուման համար՝ տնտեսական հնարավորությունների հասանելիության բարձրացման, արդյունաբերական ագլոմացիայի օգուտները խթանման և շուկայի մրցունակության բարձրացման միջոցով: Ինդիկատիվ ներդրումային գործողությունների ծրագրի վերջնականացումը համընկնում է Արեւելյան գործընկերության տարածաշրջանում Տրանս եվրոպական հիմնական տրանսպորտային միջանցքների ցանցի ընդլայնման ուժի մեջ մտնելու հետ:
