30 տարի անց. երրորդ սերունդն է մեծանում փայտե տնակներում (տեսանյութ)
Այս լուսանկարում Սպիտակի գերմանական թաղամասն է, ավերիչ երկրաշարժից 30 տարի անց տուժածներից շատերը դեռ այսպիսի տնակներում են բնակվում.
«Էսքան տելեվիզրով խոսում են երկրաշարժից տուժածների մասին, Սպիտակի մասին խոսք չկա»,- ասում է Ալվարդ Ֆրանգյանը:
Այս թաղամասում ապրողներն ունեն նաև ջեռուցման խնդիր, տնակները գազաֆիկացնել օրենքը թույլ չի տալիս՝ վտանգավոր է, իսկ փայտը թանկ է:
Թաղամասի բնակիչ Լաուրա Նազոյանի խոսքով՝ այստեղ ապրող 50 ընտանիքների խնդիրների լուծման համար ընդամենը պետք է մեկ բազմաբնակարան շենք կառուցել, ըստ նրա՝ Սպիտակի քաղաքապետ Գագիկ Սահակյանն ընդամենը մի անգամ է այցելել իրենց.
«Մի հատ ընտրության վախտա եկել, վերջ, մենակ գահը գրավում են, ասում են վերջ, էլ դու ով ես»:
Սպիտակի միայն այս թաղամասում չէ, որ տնակներ կան, առանց ասֆալտի այս փողոցը Քըրք Քըրքորյանի անվամբ է կոչվել:
Փողոցի տնակներից մեկում է բնակվում Զոյա Թորոսյանի ընտանիքը.
«Արդեն երրորդ սերունդն է բնակվում այս փայտե տնակում, ավելի ճիշտ երկրորդ՝ մեզ այլևս չեմ հաշվում, մենք մեր կյանքն ապրեցինք»,- ասում է տիկին Զոյան
Այս ընտանիքը ջեռուցման հարցը լուծելու համար այս տարի գազի վառարան է տեղադրել, տիկին Զոյան ասում է՝ տեղյակ էլ չէ, օրենքը թույլատրում է այստեղ գազ օգտագործել թե ոչ՝ պատճառաբանելով որ այլ տարբերակ չկա, նա անկեղծանում է՝ ամեն անգամ ցնցումներ զգալիս վերապրում է 88-ի սարսափը.
«Էս վերջերս նենց ցնցում եղավ, որ ժողովուրդն ահավորված դուրս թափեց»:
Լոռու մարզպետ Անդրեյ Ղուկասյանի խոսքով ամոթալի է, որ երկրաշարժից 30 տարի անց բնակարանների հարցը չի լուծվել, նրա խոսքով արդեն իսկ պայմանավորվածություններ կան բնակարանիշինությամն տեմպն արագացնելու մասով։
«Արդեն գարնանը բնակարանիշունություն է սկսվելու, գումարը կհասնի մեկ միլիարդ դրամի»:
Մարզպետը նշում է, բոլոր խնդիրները միանգամից լուծել չեն կարող.
«Եկեք մի բան ճշտենք, էն մարդիկ որոնք սեփական տուն են ուցել և կորցրել են բնակարան հայտակցենու ցուցակներում չկան»:
Բնակարաններ կստանան երկրաշարժի ժամանակ բնակարան կորցրած քաղաքացիները:
