A
A
«Սասնա ծռեր»-ի գործն արդեն 4-րդ դատավորին է մակագրվել
«Սասնա ծռեր» 2-ի գործն արդեն 4-րդ դատավորին է մակագրվել։ Գործով պաշտպան Արայիկ Պապիկյանն «Ա1+»-ին տեղեկացրեց, որ գործը մակագրվել է դատավոր Արմեն Խաչատրյանին։ Պաշտպանը դատարանից է ճշտել լուրը։ Հիշեցնենք, որ գործը նախագահող Արշակ Վարդանյանը նշանակվել է Վերաքննիչ դատարանի դատավոր, իսկ մյուս դատավորի՝ Արթուր Օհանյանի լիազորությունները հիվանդության հիմքով դադարեցվել էին։ Հենց սկզբում, «Սասնա ծռեր»-ի 32 անդամների գործը մակագրվել էր դատավոր Արտուշ Գաբրիելյանին։ Որոշ ժամանակ անց դատավորը որոշեց գործերն առանձնացնել, եւ երկու գործերը դարձրեց երեք։
