Սփյուռքի նախարարությունը չպետք է շփվի միայն ավանդական կուսակցությունների հետ (տեսանյութ)
Հայաստանը դեռ լավ չի ճանաչում սփյուռքը։ Ըստ կանադահայ պատմաբան Էդիկ Բաղդասարյանի՝ Սփյուռքի նախարարությունն էլ կարծիք կազմելու համար, չպետք է շփվի միայն ավանդական կուսակցությունների հետ։ Էդիկ Բաղդասարյանը ծննդով Թեհրանից է եւ 20 տարի առաջ է տեղափոխվել Կանադա։ Նա ավելի քան 100 հայագիտական, պատմագիտական աշխատությունների և թարգմանությունների հեղինակ է: Իրանական հեղափոխության ականատեսը հիշում է այդ իրադարձության սխալները: Սփյուռքը կարող է նաեւ աջակցել հայաստանցի երիտասարդներին կրթելու հարցում: «Պետությունը կարող է ընտրել մարդկանց, ուղարկել մեզ մոտ, որտեղ հնարավորություն ունենք սովորեցնելու»,- ասում է Էդիկ Բաղդասարյանը: Պատմաբանը նաև Կանադայի կառավարությանը կից բազմաթիվ նախագծերի կառավարման ղեկավար է և խորհուրդներն ունի տալու Հայաստանի Կառավարությանը: «Այսինքն` մեկ տարվա ընթացքում պետք է իմանանք, թե ինչն ենք անում: Օրինակ՝ դուք ինձ հարցրեք, թե մյուս տարի օգոստոսի 10-ին ինչ եմ անելու, ես պետք է կարողանամ ձեզ ասել»,- նշում է նա: Ըստ նրա՝ պետք է հատուկ հանձնաժողով ստեղծվի ուսումնասիրելու երկրի ռեսուրսները՝ դիմագրավելու համար արտաքին մարտահրավերները: Ավելին՝ տեսանյութով: