ՃՏՊ Վանաձորում. կան տուժածներ
Օգոստոսի 16-ին, ժամը 16:09-ին «911» ծառայությանը տեղեկություն է ստացվել, որ Լոռու մարզի Վանաձոր քաղաքի «3-րդ մաս» կոչվող թաղամասում տեղի է ունեցել ՃՏՊ. բենզատարը կողաշրջվել է. առկա է վառելիքի արտահոսք. անհրաժեշտ է օգնություն: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Նարեկացու փողոցի թիվ 4 շենքի դիմաց բախվել են «ԶԻԼ-130» և «ՈՒԱԶ» մակնիշերի (վարորդը՝ Ա. Դ.) ավտոմեքենաները, ինչի հետևանքով «ՈՒԱԶ» մակնիշի ավտոմեքենան կողաշրջվել է: Մինչ փրկարարների կանչի վայր հասնելը՝ Ա.Դ.-ը (1954թ.), ուղևորներ Վ. Մ.-ը (1981թ.) և Գ. Ս.-ը (1971թ.) հոսպիտալացվել են: Գ. Ս.-ը ստանալով համապատասխան բուժօգնություն՝ դուրս է գրվել, իսկ Վ.Մ.-ի առողջական վիճակը գնահատվել է կայուն: Փրկարարներն իրականացրել են ավտոճանապարհի լվացման աշխատանքներ:
