ԱՄՆ-ի կիրառած պատժամիջոցներից կտուժի նաեւ Հայաստանը. քաղաքագետ (տեսանյութ)
Ռուսական ռուբլին արագ տեմպերով արժեզրկվում է, սա ԱՄՆ-ի նպատակներից մեկն է՝ թուլացնել Ռուսաստանի տնտեսությունը, այսօր լրագրողների հետ հանդիպմանն ասել է ամերիկագետ Սուրեն Սարգսյանը: «Մոտ ապագայում չկա հեռանկար, որ ՌԴ-ԱՄՆ հարաբերությունները կլավանան, այլ հակառակը՝ գնալով կխորանան: Պատժամիջոցների երկրորդ փուլը եւս կլինի, դրանից կտուժի նաեւ հայկական կողմը: Ռուսաստանից եկող տրասֆերտները էականորեն կարող են կրճատվել»: Սուրեն Սարգսյանը վստահեցնում է՝ թուրքական լիրան եւս արժեզրկվել է, պետք է սպասել եւ հասկանալ, թե ինչ կկատարվի Թուրքիայի տնտեսության հետ: «ԱՄՆ-ն հիմա ցանկանում է իր հարաբերությունները կարգավորել Վրաստանի եւ Ադրբեջանի հետ՝ իրենց զորքերը Աֆղանստան տանելու համար: Երբ հարաբերությունները Թուրքիան թուլացնում է ԱՄՆ-ի հետ, ուժեղացնում է Ռուսաստանի հետ եւ հակառակը»: Իրանի նկատմամբ պատժամիջոցները բավական խիստ են լինելու, նախադեպը չունեցող, ավելացնում է ամերիկագետը: «Արդյունքում հնարավոր է վատանա մեր առեւտուրը Իրանի հետ: Հայաստանը պետք է վերանայի համագործակցությունը էներգետիկ ոլորտում: Վաշինգտոնը երբեք երկընտրանքի առաջ չի կանգնեցրել մեզ, որ հարաբերությունները դադարեցնենք Իրանի հետ: Բայց այնպես պետք է աշխատել, որ հնարավոր լինի փոխհատուցման մեծանիզմներ կիրառել, այս դեպքում լավ կլիներ «Հազարամյակի մարտահրավերներ» ծրագիրը գործեր»: Սուրեն Սարգսյանը համոզված է՝ Հայաստանը պետք է սկսի բարեփոխումների ճանապարհով շարժվել, միայն կոռուպցիայի դեմ պայքարը քիչ է: «Հիմա Հայաստանը ուշադրության կենտրոնում է, խոշորացույցի տակ, հատկապես մամուլի ազատության տեսնակյունից»,-ասաց նա: