A
A
Վրացական կողմի մեղքով 2 ժամից ավելի ուշացել են Երեւան-Բաթումի եւ Բաթումի-Երեւան գնացքները. ՀԿԵ
«Հարավկովկասյան երկաթուղի» ՓԲԸ-ն հայտնում է, որ հուլիսի 17-ին Վրաստանի սահմանապահ ծառայության ոչ բավարար աշխատանքի պատճառով 2 ժ 10 ր-ով ուշացվել են Ընկերության Երևան-Բաթումի և Բաթումի-Երևան գնացքները: ՀԿԵ աշխատակիցների համակարգված աշխատանքի շնորհիվ արդեն Հայաստանի տարածքում Բաթումի-Երևան գնացքի ուշացման ժամանակը կրճատվեց 1 ժամով և գնացքը Երևան ժամանեց արդեն 1 ժ 10 ր ուշացումով: «Հարավկովկասյան երկաթուղի» ՓԲԸ-ն հայցում է ուղևորների ներողամտությունը ոչ Ընկերության մեղքով պատճառած անհարմարությունների համար: