Նիկոլ Փաշինյանի ճեպազրույցը Բրյուսելի օդանավակայանում (տեսանյութ)

Բրյուսելից Երեւան վերադարձի ճանապարհին Նիկոլ Փաշինյանը, պատասխանելով հայ լրագրողների հարցերին, անդրադարձավ ոչ միայն Բրյուսելում ունեցած հանդիպումներին, այլեւ որոշ ներքաղաքական եւ արտաքին քաղաքական խնդիրների:

Մասնավորապես, նա տեղեկացրեց, որ ոչ մի խոսակցություն` Ադրբեջանի նախագահի հետ հավանական հանդիպման մասին, չկա: Այդ թեմայի շուրջ նա նաեւ նկատեց. «Եթե մի կողմը ոչ թե խաղաղ կարգավորման է պատրաստվում, այլ անընդհատ ագրեսիվություն է ցուցաբերում, նշանակում է հարցը լուծելու մթնոլորտ չկա: Սա միջազգային հանրությունը պետք է արձանագրի, իսկ մենք էլ պետք է արձանագրենք իրավիճակը եւ պատրաստ լինենք ցանկացած զարգացման»: Ինչ վերաբերում է ՆԱՏՕ-ի հետ համագործակցությանը, վարչապետը ասաց. «ՆԱՏՕ-ի հետ երկու առաքելություն ենք իրականացնում` Կոսովոյում եւ Աֆղանստանում, մեր մասնակցությունը միանշանակ կշարունակենք այդ ծրագրերին, եթե լինեն հետագա ծրագրեր` կքննարկվեն: Ամեն ինչ ըստ անհրաժեշտության է քննարկվում, մենք ոչ մի կաշկանդվածություն չունենք որեւէ խնդիր կամ համագործակցությւոն քննարկելու, բոլոր հարցերը` բացառապես ՀՀ շահերի համատեքստում»: 

Նա անդրադարձել է շատ հարցերի, մանրամասն կարող եք դիտել տեսանյութում