Հայկ Բաբուխանյանն առաջարկում է մտցնել վաուչերի գաղափար (տեսանյութ)
ՀՀԿ խմբակցության պատգամավոր Հայկ Բաբուխանյանը կարծում է, որ մի շարք իրավախախտումների տուգանքների համաներման մասին նախագիծը լավն է, բայց կիսատ:
«Ներում ենք 150 հազար հոգուն, բա էն մի միլինոը, որը վճարել է տուգանքները, ինչու պետք է հիմարի դերում լինեն, առաջարկում եմ մտցնել վաուչերի գաղափար:
Չեմ հասկանում կարմիր գծերի տուգանքները ինչու չի մտել այս նախագծի մեջ»,-ասաց Բաբուխանյանը՝ հավելելով, որ համաներման ժամկետը պետք է հետաձգել մինչեւ 2018թ: հուլիսի մեկը:
Ըստ նրա, արադարացի չէ, ճանապարհային երթևեկության կանոնների խախտման համար տուգանքներ ստացած անձանց նկատմամբ համաներում կիրառել, երբ մի շարք այլ մարդիկ վճարել են այդ նույն տուգանքները:
«Կա արդարության մասին պատկերացում: Որքանով է արդար, որ մարդկանց մի մասը տուգանքները վճարել են, օրինապաշտ ենեղել, շատ անգամ վճարել են ոչ արդար տուգանքների համար, իսկ այն մասը, որը տուգանքները չի վճարել, հիմա ազատվում էդրանք վճարելուց»,- դիմելով արդարադատության նախարար Արտակ Զեյնալյանին հարցրեց պատգամավորը:
Նախարարը պատասխանեց, որ հարցը հավերժական է. «Այս հարցին պատասխան պետք է տրվեր այն ժամանակ, երբ ընդունվումէր Սահմանադրությունը, որով սահմանվում է համաներման իրավունքը»:
