«Ալաշկերտը» չդիմացավ շոտլանդական փորձությանը (տեսանյութ)
Երեւանի «Ալաշկերտը» այսօր կայացած ՈՒԵՖԱ-ի չեմպիոնների լիգայի որակավորման առաջին փուլի անդրանիկ խաղում պարտվեց շոտլանդական «Սելթիկին»: Առաջին խաղակեսում ալաշկերտցիները հավասար պայքար մղեցին ուժեղ եւ փարձառու մրցակցի հետ, սակայն այդպես էլ չկարողացավ անառիկ պահել սեփական դարպասը: Մրցավարի կողմից ավելացված ժամանակի վերջին րոպեին շոտլանդացիների հարձակվող Էդուարդը օգտվելով մեր պաշտպանների անփույթ խաղից բացեց հաշիվը: Երկրորդ խաղակեսի սկիզբը նույնպես հավասար պայքարում անցավ, սակայն հանդիպման վերջում արդեն զգացնել տվեց «Սելթիկի» ֆուտբոլիստների առավելությունը ֆիզիկական պատրաստության հարցում: Արդյունքում, շոտլանդացիներն խաղավերջում օգտվեցին ալաշկերտցիների հոգնածությունից եւ եւս երկու գոլ խփեցին: Աչքի ընկան Ֆորեստն ու Մակգրեգորը: Այդպիսով, Հայաստանի գործող չեմպիոն «Ալաշկերտը» չկարողացավ դիմակայել փորձառու մրցակցին եւ պարտվեց խոշոր 0:3 հաշվով: Պատասխան հանդիպումը տեղի կունենա հուլիսի 18-ին, Գլազգոյում:
Goal in gif format in case I need to remove the video pic.twitter.com/DPBw0Y4jS5
— New account RIP CelticGoals (@CelticGoal) 10 июля 2018 г.
