«Եթե վարչապետն իր դիրքորոշումը չհայտնի, կդիմենք դատարան»․ Մանվել Գրիգորյանի պաշտպան (տեսանյութ)
Այն մթնոլորտը, որը ձեւավորվել է Մանվել Գրիգորյանի շուրջ, չի կարող բարենպաստ անդրադառնալ գործի օբյեկտիվ քննության վրա, այսօր հայտարարեց Մանվել Գրիգորյանի փաստաբան Լեւոն Բաղդասարյանը: «Այս գործի շրջանակում պետք է բացառել անհանդուրժողականությունը Մանվել Գրիգորյանի եւ իր ընտանիքի հանդեպ»: Մանվել Գրիգորյանի նկատմանբ կիրառվում է խոշտանգում, հայտարարում է փաստաբանը: «Առանց հաշվի առնելու նրա հիվանդությունները վերցրել են արգելանքի տակ, որը միջազգային իրավանորմով համարվում է պետության կողմից կատարվող անմարդկային ծանր հանցագործություն եւ կոչվում է խոշտանգում»: Փաստաբանն անդրադարձավ օրեր առաջ վարչապետ Նիկոլ Փաշինյանի արած հայտարարությանը, նշելով. «Ի՞նչ եք կարծում պարոն վարչապետ, ձեր կանխակալ կարծիքը լսելուց հետո հին մեթոդներով աշխատող դատարանները ինչ պետք է անեն: Ձեր հայտարարությունից հետո հասարակությունը ատելությամբ է լցվել Մանվել Գրիգորյանի դեմ»: Լեւոն Բաղդասարյանը վարչապետին ուղղված նամակում նշեց՝ «Հրապարակային հանդես գալ եւ կոչ անել հասարակությանը դադարեցնել հաշվեհարդարների կոչերը եւ ներողություն խնդրել Մանվել Գրիգորյանից զրպարտանքի համար»:
