A
A
«Վարդաշեն» ՔՀԿ-ում տեղի ունեցավ դատապարտյալ Աշոտ Օհանյանի ցուցահանդեսը
Մայիսի 25-ին «Վարդաշեն» քրեակատարողական հիմնարկում տեղի ունեցավ դատապարտյալ Աշոտ Օհանյանի ստեղծագործական աշխատանքների ցուցահանդեսը, որը նվիրված էր Առաջին Հանրապետության 100-ամյակին և մայիսյան եռատոնին:
«Երեք ամիսների ընթացքում ստեղծված բարելիեֆ ոճի աշխատանքներս հիշողությունների, ապրումների, կյանքի փորձի և վերաարժևորման, ինչպես նաև կարոտի արդյունք են»,- իր խոսքում նշեց Ա. Օհանյանը: Արցախյան ազատամարտի մասնակից Աշոտ Օհանյանը վերջում իր շնորհակալությունը հայտնեց հիմնարկի վարչակազմին աջակցության համար:
Եռատոնին նվիրված միջոցառում է տեղի ունեցել նաև «Հրազդան» քրեակատարողական հիմնարկում: Մայիսի 14-ից 22-ը անցկացվել է շախմատի ներհիմնարկային առաջնություն, որին մասնակցել է 9 դատապարտյալ:
ՀՀ ԱՆ ՔԿՎ հանրային կապերի բաժին
