A
A
Փոխվարչապետի հետ հանդիպելուց հետո քաղաքացիները որոշել են դադարեցնել հանքերի դեմ բողոքի ակցիաները (տեսանյութ)
ՀՀ փոխվարչապետ Տիգրան Ավինյանը ՖԲ-ի էջով տեղեկացրել է, որ այսօր հանդիպում է ունեցել Սոթքի և Ամուլսարի հանքերի գործունեության դեմ բողոքող քաղաքացիների հետ և տեղեկացրել, որ 2 հարցում եկել են փոխըմբռնման։ Այսօր հանդիպումներ եմ ունեցել Սոթքի և Ամուլսարի հանքերի դեմ բողոքող քաղաքացիների հետ: Կարելի է արձանագրել, որ կա փոխըմբռնում երկու հարցում` բնությանը ապօրինի և անհամաչափ վնասներ չպետք է պատճառվեն, և տնտեսությունը չպետք է հայտնվի արհեստական ստեղծված ճգնաժամային իրավիճակում: Թափանցիկ և համալիր փորձաքննություններ իրականացնելու վարչապետի հանձնարարականի արդյունքում արդեն իսկ ձեռնարկվում են աշխատանքներ: Այս մասին նույնպես զրուցել ենք քաղաքացիների հետ:
Մեր հանդիպումից հետո քաղաքացիները որոշում են կայացրել դադարեցնել բողոքի գործողությունները:
Շնորհակալ եմ ամեն պահի մեզ զորություն տվող այս վստահության համար:
