Կառավարությունը պետք է քննարկումներ սկսի շատ արագ. Վահագն Խաչատրյան (տեսանյութ)
Որքանո՞վ է իրական մտավախությունը, որ Նիկոլ Փաշինյանի կառավարությանը ծանր տնտեսություն է ժառանգություն հասել։ Տնտեսագետ Վահագն Խաչատրյանը կարծում է, որ ծայրահեղ վատ վիճակում չէ բյուջեն։ «Բյուջեն չի սպառվել, նույնիսկ բավականին լավ վիճակում է գտնվում։ Կոնկրետ այսօր այդպիսի խնդիր չկա, թե սպառվել է բյուջեն»,- ասում է նա։ Թավշյա հեղափոխությունից հետո էլ չեն դադարել բողոքի ակցիաները։ Ըստ տնտեսագետ Վահագն Խաչատրյանի՝ տարբեր պահանջներով քաղաքացիների ակցիաները տրամաբանական են և իշխանությունը պետք է արագ լուծումներ գտնի։ «Այսօր ես գտնում եմ, որ ամենադժվարը և ծանրը պետական ինստիտուտների անխափան աշխատանքի ապահովումն է, ինչքանով կարող է անխափան ապահովել համակարգի աշխատանքը՝ անկախ այն հանգամանքից, թե ի՞նչ ժառանգություն են ստացել, ի՞նչ ֆինանսական հնարավորթւոյուն ունի, ինքը պարտավոր է դա անել»,-նշում է տնտեսագետը։ Ըստ տնտեսագետի՝ իշխանությունները նաև պետք է լուծեն հասարակությանը հուզող արագաչափերի խնդիրը, պարտադիր կուտակային համակարգի խնդիրը։ Օրեր առաջ վարչապետը մասնավորապես հայտարարել էր, որ իրավական հիմքերի առկայության դեպքում չի բացառվում տեսախցիկների եւ արագաչափերի ժամանակվորապես կիրառումը։ Ավելին՝ տեսանյութով։
