Շարունակում են պահանջել Տարոն Մարգարյանի հրաժարականը (տեսանյութ)
Բազմաթիվ քաղաքացիներ այսօր հավաքվել են Երևանի քաղաքապետարանի դիմաց և պահանջում են Տարոն Մարգարյանի հրաժարականը։ Նրանք նշում են, որ քաղաքապետն իր կառավարման տարիների ընթացքում բազմաթիվ խնդիրների լուծում չի տվել, թեև բազմաթիվ դիմում - բողոքներ են նրան հղվել։ Ցուցարարները կարծում են, որ արդեն ժամանակն է, որ մեկ այլ անձ զբաղեցնի նրա տեղը, որն ավելի սրտացավ կլինի և չի անտեսի ժողովրդի պահանջները։ Ոմանք էլ վստահ են, որ Երևանի կառավարման թիվ մեկ խնդիրը կոռուպցիայի առկայությունն է։ համակարգը վերևից ներքև կոռումպացված է։ Մի քաղաքացի օրինակ բերեց ճանապարհների ու փողոցների ասֆալտապատման խնդիրը, որոնց համար քաղաքապետարանը մեծ գումարներ է ծախսում, բայց համապատասխան որակ չի ապահովում։ Քաղաքապետարանն ըս ցուցարարնի համոզմամբ, հիմնականում անդրադառնում է այն խնդիրներին, որտեղից շահ է ակնկալում։ Այստեղ են նաև Բուզանդի փողոցի բնակիչները, որոնք տարիներ շարունակ պայքարում են իրենց սեփականության դիմաց համարժեք գումար ստանալու համար։ Անահիտ Բաշխշյանը քաղաքապետարանից դուրս գալուց մոտեցավ ցուցարարներին։