«Այս ամեն ինչը այսքան երկար չի մնա, հերոսները դուրս կգան» (տեսանյութ)
Ադրբեջանցիները աճում են եւ իրենց փորձն ու գիտելիքները մեծացնում: «Արխային նստել պետք չէ, պետք է աշխատել»,- ասում է վերջերս Արցախից վերադարձած ռազմական փորձագետ Վովա Վարդանովը: Նրա խոսքերով՝ թեեւ արցախցին վճռական է տրամադրված, սակայն քայլեր չեն արվում: ԱԱԾ նախկին պետի տեղակալ Գուրգեն Եղիազարյանը նշում է՝ զորավարժություններին ադրբեջանցիները փորձեցին ցույց տալ մկանները. «25 հազար հետեւեկային հանեցին զորավարժություններին, այս անգամ 32 հազար զինվոր են տեղադրել սահմաններին, 250 տանկ, 200-ի կարգի ԲՏՌ: Ցանկանում են ցուցադրել ինչի են ընդունակ, սակայն ամբողջ ուժը ցույց չեն տալիս: Մենք պետք է պատրաստ լինենք լայնամասշտաբ հարձակման»,- ասաց Գուրգեն Եղիազարյանը: Նա համոզված է ՝ եթե ունենանք նոր վարչապետ, կարող ենք խուսափել պատերազմից: Գուրգեն Եզիազարյանը հույս ունի՝ Սերժ Սարգսյանը ի խոսքի տերը կլինի եւ չի դառնա վարչապետ: «Ի վերջո հո չի ցանկանում Հայաստանը կործանել, ես չեմ հավատում»,- նշեց ԱԱԾ նախկին պետի տեղակալը: Նրա խոսքերով՝ եթե Սերժ Սարգսյանը դարձավ վարչապետ արտագաղթն ավելի մեծ թվերի կհասնի: Անդրադառնալով Արցախյան պատերազմի հերոսներին դատապարտելուն, Գուրգեն Եզիազարյանը նշեց, որ Սամվել Բաբայան երեք հերոսներից մեկը, ով այսօր գտնվում է բանտում է: « Մեր ազգի հերոսը բանտում է գտնվում, սա է մեր իրականությունը: Ժիրայր Սեֆիլյանի հանդեպ կատարվեց այն, ինչ կատարվում է ամեն օր ՀՀ-ում, չեմ զարմանում: Ժիրոյին ուժ եւ կորով եմ ցանկանում, այս ամեն ինչը այսքան երկար չի մնա, հերոսները դուրս կգան»,- ասաց նա: Գուրգեն Եղիազարյանը սակայն համոզված է՝ ապրիլին զարգացումներ չեն լինի եւ եթե իշխանափոխությունը մեղմ չկատարվի, ապա հայ ժողովուրդը դիմանալու ռեսուրս արդեն չունի : Մանրամասները՝ տեսանյութում