A
A
25-ամյա երիտասարդի սպանության համար 11 տարվա ազատազրկում
Գյումրեցի 25 –ամյա Արտյոմ Ադանալյանի սպանության համար ամբաստանյալ Արթուր Մարտիրոսյանը դատապարտվեց 11 տարվա ազատազրկման: Շիրակի մարզի ընդհանուր իրավասության դատարանի դատավոր Աշոտ Մանուկյանը Արթուր Մարտիրոսյանին մեղավոր է ճանաչել առաջադրված մեղադրանքում: Նա նաեւ որոշել է բավարարել քաղհայցը: Արթուր Մարտիրոսյանից հօգուտ տուժողի իրավահաջորդ Ռուզաննա Ադանալյանից կբռնագանձվի 3 մլն 549 հազար 450 դրամ, որից դատական ծախս 2 մլն 49 հազար 450 դրամը փաստաբանական ծառայությունների համար, իսկ 1 մլն 450 հազար դրամը՝ որպես հանցագործության հետեւանքով տուժողին պատճառված հուղարկավորության հետ կապված ծախսերրի գումար: Արթուր Մարտիրոսյանը 2014 թ նոյեմբերի 6-ից գտնվում էր կալանքի տակ: