Գերտերությունների թիրախը Արևելյան Գուտան է (տեսանյութ)
Արևելյան Գուտան փետրվարի 18-ից ռուսական և սիրական օդուժի ռմբակոծությունների տակ է: Վերջին շաբաթվա ընթացքում ավիահարվածների զոհ է դարձել սիրիական այս շրջանի մոտ 600 խաղաղ բնակիչ: Մեկ շաբաթ առաջ ՄԱԿ-ի Անվտանգության խորհուրդը 2401 բանաձևով Սիրիայի ողջ տարածքում 30-օրյա հրադադար էր հայտարարել: Չնայած դրան, Սիրիայի նախագահ Բաշար Ասադը կիրակի օրը հայտարարեց , որ Արևելյան Գուտայում մարտական գործողությունները շարունակվելու են: Նույն օրը ԱՄՆ-ը Մոսկվային մեղադրեց Սիրիայում խաղաղ բնակչության սպանությանը մասնակից լինելու մեջ: Մյուս կողմից Թուքիան անտեսում է ՄԱԿ-ի պահանջը՝ Աֆրինում շարունակելով «Ձիթենու Ճյուղ» գործողությունը: Դամասկոսը դատապարտում է Թուրքիայի գործողությունները՝ նշելով, որ Աֆրինը Սիրիայի անբաժան մասն է: Իսկ Թուրքիան հայտարարում է, որ պայքարում է ահաբեկչության դեմ եւ ունի Ռուսաստանի աջակցությունը: ՄԱԿ-ը նախատեսել էր մարդասիրական օգնություն հասցնել Արևելյան Գուտա : Բեռը ներառում է սննդամթերք, դեղորայք և առաջին անհրաժեշտության ապրանքներ, ընդհանուր առմամբ այն կազմում է 247 տոննա: Երեկվա դրությամբ այն դեռ տեղ չէր հասել։ Թեմայի վերաբերյալ իրենց պարզաբանումներն են ներկայացրել Միջազգային և անվտանգության հարցերի հայկական ինստիտուտի նախագահ Ստեփան Սաֆարյանը եւ քաղաքագետ Հրանտ Մելիք-Շահնազարյանը: