«Առաջին դասարանցու նկատմամբ դաժան վերաբերմունքը չափազանցված է» (տեսանյութ)
Ջոն Կիրակոսյանի անվան թիվ 20 դպրոցի դպրոցի տնօրեն Անահիտ Խոսրովյանը սկանդալի համար մեղադրում է երեխայի մորը: Հենց ինքը հորինեց իր հեքիաթը, հերոսներին դրեց անուններ , հետո պահանջում էր, որ երեխաներին հեռացնենք դպրոցից՝ պատճառաբանելով , որ բռնություն են կիրառել իր երեխայի նկատմամբ: Ֆոտոլրագրող Գագիկ Շամշյանը ներկայացրել էր առաջին դասարանցու մոր՝ Մարինե Սարգսյանի պատմածը: Ըստ ծնողի, նոյեմբերի 8-ին դպրոցի զուգարանում դասընկերները կպչուն ժապավենով կապել են որդու ձեռքերը, մի քանի հարվածներ հասցրել, այնուհետև մկրատով կտրել թարթիչները: Դասղեկ Վերոնիկա Բաբաջանյանը նշում է, որ սովորական մազ կտրելու համար մկրատով անգամ բարդություն կլիներ, էլ ուր մնաց, թե թուղթ կտրելու մկրատով: Թարթիչը կտրելուց ոչ մի տեղը չքերծե՞ցին, կամ, որ գլուխը խփում էին սալիկներին, բա ինչո՞ւ գլուխը չցավեց, մյուս օր երեխան եկել է դպրոց: Անահիտ Խոսրովյանն ասում է, որ նոյեմբերի 8-ին՝ չորեքշաբթի օրը Արտյոմն ինքն է սոցմանկավարժին ասել, որ տանը կտրել է թարթիչները: Տնօրենի պնդմամբ հենց իրենք են առաջինը բարձրաձայնել խնդրի մասին եւ տեղյակ պահել երեխայի հորը: Մարինե Սարգսյանի հետ կապ հաստատել չհաջողվեց: Իսկ Ոստիկանությունը նյութեր է նախապատրաստում Ջոն Կիրակոսյանի անվան դպրոցում տեղի ունեցածի վերաբերյալ: Մանրամասներ չեն հաղորդվում։ Մանրամասները՝ տեսանյութում:
