Քննարկվել է այրվող Արտավանի տարածքում հանք շահագործելու հարցը (տեսանյութ)
«Ջերմուկի զարգացման կենտրոն»-ը Արտավանում նախատեսում էր ծրագրեր իրականացնել, որոնք պետք նպաստեին տարածքի պահպանմանը եւ էկոտուրիզմի զարգացմանը: «Էկոտուրիստական ենթակառուցվածքներն ենք ցանկանում զարգացնել: Լուսավորության, ջրամատակարարման համակարգի կամ էներգախնայողության հետ կապված հարցեր ենք ուզում զարգացնել»,- «Ա1+»-ին ասաց ՀԿ նախագահ Վազգեն Գալստյանը: Ի՞նչ վնասներ է հասցրել հրդեհը Արտավանին, պարզ կդառնա միայն այն մարելուց հետո: Առայժմ վաղ է խոսել նաեւ պատճառների մասին։ « Իրականում այդ հարցերին ոստիկանությունը պետք է պատասխանի, հետաքննություն է գնում, չեմ կարող անմեղության կանխավարկածը խախտել, ամեն դեպքում որոշ տարածքների նկատմամբ հետաքրքրությունները մեծ են, հատկապես մեր ծրագրի մասին հայտարարելուց հետո» Ի դեպ, մոտ 20 օր առաջ ՝ հանրային լսումների ժամանակ արտավանցիները դեմ են արտահայտվել հանքարդյունաբերական մի ծրագրի։ «Թոռնիկ Եվա» ՍՊԸ–Սիսկատար–Արտավան հանքային դաշտում նախատեսում է կատարել ոսկի–բազմամետաղային հանքայնացման երկրաբանական ուսումնասիրության աշխատանքներ: [caption id="attachment_1561181" align="alignright" width="2000"] This is the second day since the workers of the Ministry of Emergency Situations try to prevent the fire on forests of Artavan village of Vayots Dzor Province[/caption]