Վարդանանց տոնը՝ Նյու Յորքում
Փետրվարի 13- ին, Նյու Յորքի Սրբոց Նահատակաց ամենօրյա Ազգային վարժարանում նշվեց Վարդանանց տոնը ։ Ցերեկույթը բացեց վարժարանի տնօրեն Սեդա Դավիթյանը ։ Դրոշակների ներսբերման արարողությունից հետո հնչեցին ԱՄՆ և ՀՀ օրհներգերը։ Ներկայացվեց օրվա հայտագիրը, որին մասնակցեցին վարժարանի տարբեր դասարանների աշակերտները ։ Կատարվեցին «Քաջն Վարդան Մամիկոնյան», «Բարեկենդան», «Վարդանանց Տոն» և այլ երգեր՝ խմբավար Անահիտ Պողոսյանի ղեկավաությամբ, նվագակցությամբ՝ Նուարդ Տատուրյանի։ Հնչեցին նաև բազմաթիվ բանաստեղծություններ ։ Ցերեկույթն ավարտվեց Ճանաչված մանկավարժ Զարմինե Պողոսյանի սրտի խոսքով. «Հարգելի հյուրեր, մեծ մայրեր, մեծ հայրեր և ծնողներ, այսօր կրկին հավաքվել ենք այստեղ՝ նշելու Վարդան Մամիկոնյանի տոնը, երբ ողջ ժողովուրդը միասնաբար ոտքի ելավ Հայրենիքը պաշտպանելու։ Փառք ու պատիվ Հայ մեծ զորավար Վարդան Մամիկոնյանին» ։ ՌՈԲԵՐՏ ԿԱՐԱՊԵՏՅԱՆ Նյու Յորք Լուսանկարները ՝ հեղինակի