Ոստիկանները սկսել են սիրել SprayArt-ը. նկարներ՝ առանց վրձին (տեսանյութ)
Մեկ նկարը նկարում ենք ամենաշատը 7 րոպեում, իսկ ամենաքիչը՝ 2 րոպեում. ասում է 18-ամյա նկարիչ Ահարոն Խաչատրյանը: Առանց վրձին օգտագործելու, թղթի վրա շարվում են մոլորակներն ու աստղերը։ Ահարոն Խաչատրյանը սփրեյ-ներկերով ստեղծում է աշխատանքներ, որոնք այնքան էլ տարածված չեն Հայաստանում։ Փանոս Թերլեմեզյանի անվան գեղարվեստական քոլեջի 18-ամյա սանը արվեստանոց չունի։ Այս տարածքում ժամանակավորապես է հաստատվել՝ մինչեւ ձմռան ավարտը։ Ամռանը նրա արվեստանոցը դառնում է Հյուսիսային պողոտան, որտեղ սկզբում ոստիկաններն այնքան էլ ջերմ չեն ընդունել. «Ոստիկանները չէին թողնում նկարեինք, հետո սկսեցին սիրել մեր արվեստը»։ Ահարոնը սփրեյով ստեղծում է ոչ միայն բնապատկերներ, այլեւ դիմանկարներ։ Այսկերպ նկարել Ահարոնը սովորել է ընկերոջից։ Սփրեյ-արտով հետաքրքրվողներ շատ կան, նույնիսկ իրենց են դիմում սովորեցնելու խնդրանքով. «Դեռ չենք սովորեցնում, ժամանակը չի, մենք մի փոքր կզարգացնենք, հետո ամառվանից նոր կսկենք դասընթացներ անցկացնել»: Կա նաեւ նկարների պահանջարկ։Ահարոնը նկարները վաճառում է 3000-5000 դրամով, որով էլ գնում է անհրաժեշտ նյութերը։ Ավելին՝ տեսանյութով
