Քաղաքապետի 33 թեկնածու

Գորիսի քաղաքապետ դառնալու համար արդեն երկու թեկնածու է առաջադրվել՝ անկուսակցականներ Տիգրան Կարապետյանը եւ Հրայր Յոլյանը։ Նրանք երկուսն էլ ինքնառաջադրվել են։

Ինչպես տեղեկանում ենք Կենտրոնական ընտրական հանձնաժողովի կայքից, Տիգրան Կարապետյանը «Գորիսի ԳԱՄՄԱ» ՓԲԸ-ի գործադիր տնօրենն է, իսկ Հրայր Յոլյանը՝ «Շանի» ՍՊԸ-ի գործադիր տնօրենը։

Իսկ Գորիսի համայնքապետ Նելսոն Ոսկանյանը դեռ չի առաջադրվել։

Հունիսի 8-ին Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի և Վայոց ձորի մարզերի 55 համայնքներում տեղի կունենան տեղական ինքնակառավարման մարմինների ընտրություններ։ 37 համայնքներում ընտրվելու է համայնքի ղեկավար, իսկ 30-ում՝ ավագանու անդամ։ Թեկնածուների առաջադրումը տեւելու է մինչեւ մայիսի 9-ը։Արդեն առաջադրվել է քաղաքապետի 33 թեկնածու։