ԼԻԼԻԹ ՄԿՐՏՉՅԱՆԸ ԵՎ ԷԼԻՆԱ ԴԱՆԻԵԼՅԱՆԸ` ԱՇԽԱՐՀԻ ԱՌԱՋՆՈՒԹՅՈՒՆՈՒՄ
Աջակցիր «Ա1+»-ինՄարտի 10-ին Եկատերինբուրգում կմեկնարկի շախմատի աշխարհի կանանց անհատական առաջնությունը: Հայաստանից առաջնությանը կմասնակցեն փորձառու գրոսմայստերներ Էլինա Դանիելյանը եւ Լիլիթ Մկրտչյանը:
Վերջինս հունվարին ավտովթարից ստացած կոտրվածքից հետո առաջին անգամ դուրս կգա ասպարեզ: Մոսկվայում ավարտված «Աէրոֆլոտի» միջազգային մրցաշարը Լիլիթ Մկրտչյանը բաց թողեց բժիշկների խորհուրով:
Աշխարհի առաջնության առաջին փուլում Լիլիթ Մկրտչյանի մրցակիցը կլինի չինուհի Ռուան Լուֆեին, իսկ Էլինա Դանիելյանը կհանդիպի Ռումինիան ներկայացնող Քրիստիան - Ադելե Ֆոյսորի հետ:
Աշխարհի առաջնությունում հանդես կգան նաեւ Ֆրանսիան ներկայացնող հայուհի Էլմիրա Սկրիպչենկոն եւ Կանադայից հանդես եկող Նատալյա Կուդգարյանը, որի մրցակիցն է լինելու ռուս ճանաչված շախմատիստուհի Ալեքսանդրա Կոստենյուկը:
