A
A
ՀԱՅԿԱԿԱՆ ՖԻԼՄԵՐԸ ԿՊԱՀՊԱՆՎԵՆ ԱՄՆ ՇՆՈՐՀԻՎ
Աջակցիր «Ա1+»-ին
Այսօր ստացված 30 հազար դոլար դրամաշնորհի միջոցներով Հայաստանի Ազգային Ֆիլմադարանը կկարողանա վերանորոգել հայկական ֆիլմերը, տեսանյութերը եւ լուսանկարները: Դրամաշնորհը տրամադրել է ԱՄՆ կառավարության Դեսպանի մշակութային արժեքների պահպանման հիմնադրամը: Դրամաշնորհն այսօր ֆիլմադարանի տնօրինությանը հանձնեց Հայաստանում ԱՄՆ դեսպան Ջոն Էվանսը:
Ֆիլմադարանի 4 արխիվային պահոցներում ներկայումս պահվում է 13 հազար վավերագրական եւ 200 գեղարվեստական ֆիլմ: Դրանց թվում են օրինակ` առաջին հայկական համր ֆիլմերը:
Ի դեպ, 20 տարի է, ինչ ֆիլմադարանում ոչ մի աշխատանքներ չեն կատարվում ֆիլմերի պահպանման ուղղությամբ: