Հայաստանի մարմնամարզուհին գրավել է 6-րդ տեղը
Մոսկվայում անցկացվեց գեղարվեստական մարմնամարզության «Գրան պրի» միջազգային ավանդական մրցաշարը: Ինչպես հայտնում է Հայաստանի ազգային օլիմպիական կոմիտեի մամուլի ծառայությունը, Հայաստանը ներկայացրին տարիքային երկու խմբի հինգ մարզուհիներ: Ավագների բազմամարտի պայքարում Յուլիա Վոդոպյանովան գրավեց 6-րդ տեղը: Նրա թիմակից Յասմինա Աղագուլյանը 8-րդն էր գնդակով վարժությունում, իսկ Սիլվա Սարգսյանը բավարարվեց ավելի համեստ արդյունքով: Երիտասարդներ Աբիգայլ Պողոսյանը էը Անժելիկա Կարախանյանը առաջին անգամ մասնակցեցին արտագնա մրցումների, առաջատարների շարք չմտան: Ընթացիկ մրցաշրջանը կարեւոր է հատկապես նրանով, որ կվիճարկվեն օլիմպիական խաղերի ուղեգրեր: Դրանք բաժին կհասնեն Բաքվում կայանալիք Եվրոպայի (հունիսին) եւ աշխարհի (սեպտեմբերին) առաջնությունների հաջողակներին:
