«ՀՀԿ-ն իր կուսակցապետի հետ պետք է մտածի պատասխանատվության ենթարկվելու մասին» (տեսանյութ)
Ժառանգության առաջնորդը քարոզարշավի 16-րդ օրը Ապարանում միացավ Օհանյան- Րաֆֆի-Օսկանյան դաշինքի նախընտրական քարոզարշավին։ «Գտնվում էի գործուղման մեջ, գործնական հանդիպումներ ունեի մայրս վիրահատություն տարավ»,-իր բացակայությունը պատճառաբանեց նա: Րաֆֆի Հովհաննիսյանն անդրադառնում է Հանրապետական կուսակցության հայտարարություններին, թե իրենք մրցակից չունեն: «Ինքը, իր կուսակցապետի հետ մեկտեղ, պետք է մտածի պատասխանատվության ենթարկվելու մասին, այլ ոչ թե առաջարկներ, գնահատականներ»: Օհանյան- Րաֆֆի-Օսկանյան դաշինքի ներկայացուցիչը կանխատեսում է հետագա զարգացումները, եթե նախորդ ընտրությունների պես արձանագրվեն կեղծիքներ ու խախտումներ։ «Շատ թեժ եւ իրավատեր»: ՕՐՕ դաշինքն այսօր հանդիպել է նաեւ Վանաձորի եւ Աշտարակի ընտրողների հետ: Դաշինքի ցուցակը գլխավորող Սեյրան Օհանյանը նշել է՝ եկել են իշխանությունը ժողովրդին տալու համար: Պաշտպանության նախկին նախարարը երկար է մտածել, թե ինչու Հայաստանն առաջ չի գնում եւ ինչը ուղղությամբ ինքն ու դաշինքի անդամները պետք է գնան: Վարդան Օսկանյանն էլ խոստանում է՝իրենց իշխանության գալուց հետո ժողովուրդը անմիջապես դրական փոփոխություններ է զգալու: Հայաստանը ռեսուրսների պակաս չունի: